Kobudluq, hədə-qorxu gəlmək və qorxutmaq əvəzinə, prezidentlər Vladimir Putin və Co Bayden arasında qlobal təhlükəsizlik məsələləri üzrə məsləhətləşmələrin başlanmasına dair sazişləri müzakirə edib, həyata keçirmək lazımdır.
Elchi.az xəbər verir ki, bunu Dumanın spikeri Vyaçeslav Volodin Teleqram kanalında yazıb.
Onun sözlərin görə, sanksiyalarla hədələmək heç nəyə gətirib çıxarmayacaq, ilk növbədə bu, ABŞ-ın özünə təsir edəcək:
“Sanksiyalar heç kimi qorxutmur, yalnız münasibətləri pozur. Çox gec olmadan dayandırmaq daha yaxşıdır. Özünüz üçün problem uydurmayın. Yalnız bir məsləhət var – dünyanı dəyişdirmək istəyirsinizsə, özünüzü dəyişdirin. Sizə danışıqlar masası arxasına əyləşməyi təklif edirlərsə, bu fürsətdən istifadə edin”.