Almaniyanın avtomobil nəhəngi “Volkswagen” 2031-ci ilə qədər dörd zavodunu bağlayacaq.
Elchi.az xəbər verir ki, bu barədə “Der Spiegel” nəşri məlumat əldə edib.
Almaniyanın ən böyük avtokonserni qənaət etmək niyyətindədir, bu səbəbdən beş ildən sonra Svikkay (Zwickau) və Emdendəki istehsalat dayandırılacaq. Həmçinin investisiyaların 15 faiz azalacağı gözlənilir ki, bu da təxminən 50 milyard avro deməkdir. Ümumi xərclər 2030-cu ilin sonuna qədər 11 milyard avro ixtisar ediləcək, həmçinin əsas “Volkswagen” brendi və komponentlərin istehsalı üzrə bölmələr ayrı-ayrı hüquqi şəxslərə çevriləcək.
Konsern rəhbərliyi böhranlı vəziyyəti düzəltməyə və alman avtosənayesinin simvolunu çökməkdən xilas etməyə çalışır. Bunun üçün heyətin kütləvi ixtisarı (təxminən 100 min əməkdaş) və AFR-dəki dörd yığım zavodunun (Hannover, Svikkay və Emdendəki müəssisələr, həmçinin Nekkarsulmdakı (Neckarsulm) “Audi” zavodu) bağlanması həyata keçiriləcək. Bundan əlavə, şirkətin direktorlar şurası növbəti beş ildə əsas investisiyaların təxminən 15 faiz (130 milyard avrodan bir qədər çox səmərəyə qədər) azaldılmasını müzakirəyə çıxarmaq niyyətindədir.
Böhran fonunda “Volkswagen” otbiçən maşınlar parkının yenilənməsindən imtina etmək qərarına gəlib və özünün Avropa müəssisələrindən birində otların baxımını yüz baş qoyuna tapşırıb. Yeni “işçilərin” vəzifələrinə “Volkswagen”in Polşanın Poznan şəhərindəki zavodunun ərazisinə qulluq etmək daxildir. Orada, 31 mindən çox günəş panelinin altında 18,3 meqavat gücündə fotoelektrik qurğu quraşdırılıb. Qoyun sürüsü payıza qədər bu panellərin arasında otlayacaq.
Məryəm
