“Vladimir Putin Nobel Sülh mükafatına ən layiqli namizəddir”

“Vladimir Putin Nobel mükafatı üçün ən layiqli namizəddir”.

Bunu Moderator.az-a açıqlamasında Rusiya Federasiyasının Prezidenti Vladimir Putinin səlahiyyətli nümayəndəsi Söyün Sadıqov Nobel mükafatına namizədlərdən danışarkən deyib:

“ Mən məhz Vladimir Vladimiroviçi ən layiqli namizəd hesab edirəm. Vladimir Putin öz siyasi karyerası boyu  həm bizim ölkədə, həm də onun hüdudlarından kənarda sülhün bərqərar olunmasının  tərəfdarıdır. Qeyd edim ki, məhz Vladimir Putin nəinki qan tökülməsini dayandırdı, həm də Şimali Qafqazda davamlı sülhə nail oldu. Bir çoxları Çeçenistandakı mövcud  hakimiyyət idarə üsuluna qarşı çıxırlar, amma məhz ona görə Çeçenistan çox qısa bir müddətdə Rusiyanın praktiki olaraq bütövlükdə  dağılmış regionundan dayanıqlı və kifayət qədər stabil regionuna çevrildi. Bu gün Çeçenistanda şəhərlər və kəndlər bərpa olunub, bütövlüklə infrastruktur bərpa olunub, yüzlərlə yeni iş yerləri yaradılır, gənclər aktiv tikinti müəssisələrinə cəlb olunurlar. Reqionun cavan lideri Ramzan Kadırovun nüfuzundan məharətlə  istifadə edərək, Vladimir Putin  regionun həyatını elə şəkildə təşkil edə bildi ki, bu gün Çeçenistan daha da sürətlə inkişaf edir. Qroznı şəhəri  mədəni  və dini binalar ilə Rusiyanın ən gözəl şəhərlərindən birinə çevrildi və onunla bu gün Rusiyanın çoxmillətli sakinləri qürur duya bilərlər.

Vladimir Vladimiroviç Putin dünya səviyyəsində də sülh uğrunda mübarizə aparır. Onun səyləri nəticəsində bəşəriyyət Suriyadakı genişmiqyaslı müharibənin bir addımlığından qayıtdı. Bu reqiondakı maksimal dərəcədə dəqiq hesablanmış siyasət, Rusiyanın ən yaxşı diplomatların səyləri  Vladimir Putin uzun müddətli olmasa belə,  beynəlxalq ictimaiyyəti əməkdaşlığın mümkünlüyünə inandıra bildi. Hesab edirəm ki, bu gün də Rusiyanın BMT-dəki mövqeyi ölkələrin reqiondakı terrorizmlə mübarizədə əməkdaşlığı üçün münasib şəraitlərin qurulmağına imkan verəcək. Amma ən çətin məqam  ABŞ-la Ukrayna məsələlərinə dair olan qarşıdurmalardır. ABŞ Rusiyanı dünya ictimaiyyətinə ən təhlükəli düşmən kimi təqdim edir. Rusiya bu gün ABŞ-ın diktəsi və alqoritmləri ilə yaşamaqdan imtina edən bəlkə də yeganə dövlətdir. V. Putin isə öz növbəsində dünyanın bir yöndən idarə olunması artıq keçmişdə qalıb və hazırda dünyanın idarəsi üçün paralel cərəyan edən proseslərə təzyiq etmək gücünə malik bir neçə mərkəzlər mövcud olmalıdır.  Çünki dünya müxtəlif xassəyə və idarəetmə üsuluna malikdir. Vladimir Putin dünya ictimaiyyətini  ABŞ və Avropa İttifaqının Rusiyaya qarşı tətbiq etdikləri  sanksiyalarla əslində onlar özlərinə və öz iqtisadiyyatlarına zərər yetirmiş olurlar. Çünki həımin sanksiyalar digər dövlətlərə də mənfi təsir edir. V.V.Putin Rusiyanı mövcud iqtisadi, mədəni, ideoloji və informasiya  təhlükələrindən uzaq tutmaq üçün hər bir şey edir. Rusiyanın daxili siyasəti  digər ölkələrlə vuruşmaq istəyi olmamasına yönəlib. Əlbəttə, bu, sülh uğrunda mübarizədir. Çoxsayli sosial araşdırmalar sübut edir ki,  V.V. Putinin siyasətini bir çox rusiyalılar dəstəkləyir. Bu gün Rusiyada Putin tərəfarlarının sayı orta hesabla 80-85% təşkil edir. Bu, heyrətləndirici dərəcədə yüksək reytinqdir! Nəzərinizə çatdırım ki, Vladimir Putinin  mövqeyini zaman keçdikcə  daha çox qərb nümayəndələri təsdiqləyir.  Qəbul edək ki, bu gün Putinin Qərbdəki və ABŞ-dakı mövcud reytinqi ənənəvi olaraq dəyişməz olaraq qalmaqdadır. Lakin bu rəqəm belə mövcud liderlərin, həmin dövlət rəhbərlərinin reytinqindən dəfələrlə yüksəkdir. Bu isə Rusiya prezidenti Vladimir Putinin sülh uğrunda apardığı mübarizənin nəticəsidir. Ona görə də mən bizim ölkənin vətandaşlarını, ictimai təşkilatları və digər ölkələri Rusiya Federasiyasının Prezidenti  Vladimir Vladimiroviç Putinin dünya Nobel mükafatına namizədliyinin irəli sürülməsini dəstəkləməyə çağırıram. Hesab edirəm ki, Vladimir Vladimiroviç Putin həqiqətən də  “Sülh uğrunda mübarizə”nominasiyasında ən layiqli namizətdir”.