Rəqəmsal ödəniş xidmətləri təminatçısı olan Visa, Suriya Mərkəzi Bankı ilə rəqəmsal ödəniş ekosisteminin yaradılması və maliyyə inklüzivliyinin artırılması üçün strateji yol xəritəsi üzərində razılığa gəldiyini açıqladı. Şirkət Suriyanın qlobal rəqəmsal iqtisadiyyata inteqrasiyasını dəstəkləmək üçün fəaliyyətə başlayacaq.
Elchi.az xəbər verir ki, Visa şirkəti verdiyi açıqlamada bildirib ki, şirkət Suriyanın müasir qlobal rəqəmsal iqtisadiyyata sürətlə inteqrasiyasına kömək etmək üçün hazırlanmış strateji yol xəritəsini həyata keçirmək üçün Suriya Mərkəzi Bankı, maliyyə orqanları və qurumları ilə tərəfdaşlıq edib.
Bəyanatda Visa-nın Suriyada fəaliyyətə başlayacağı və mərhələli rəqəmsallaşdırma planı vasitəsilə qlobal standartlara əsaslanan gələcəyə davamlı ödəniş ekosisteminin yaradılmasını dəstəkləyəcəyi vurğulanıb.
Bəyanatda qeyd olunub ki, onun əsas diqqəti lisenziyalı maliyyə qurumları ilə tərəfdaşlıqda güclü və təhlükəsiz ödəniş infrastrukturunun inkişaf etdirilməsi olacaq.
Şayəstə
