Məktəb direktorunun əməllərindən prezidentə müraciət ünvanlandı
Elchi.az saytının redaksiyasına Laçın rayonundan məcburi köçkün düşmüş 46 saylı tam orta məktəbin 122 valideyni və müəllimləri adından imzalanmış və ölkə başçısı İlham Əliyevə ünvanlanan şikayət məktubu daxil olub. Həmin məktubu olduğu kimi dərc edirik:
Azərbaycan Respublikasının Prezidenti İlham Əliyev cənablarına
Surəti: Azərbaycan Respublikasının Təhsil Naziri Mikayıl Cabbarova
Laçın rayonundan məcburi köçkün düşmüş 46 saylı tam orta məktəbin 122 valideyni və müəllimləri adından hal-hazırda Bakı Şəhəri Xəzər rayonu Binə qəsəbəsində kirayədə məskunlaşan Rəhimov Rizvan Rəhim oğlu tərəfindən
Ərizə
Cənab Prezident!Sizə Laçın rayonundan 1982-ci ildə məktəb direktoru işlədiyi zaman bir çox maliyyə fırıldağına,müəllim adına yaraşmayan hərəkətinə görə rayondan qovulmuş,Laçın rayon sakini olmayan,hal-hazırda Laçın rayon 46 saylı tam orta məktəbdə müddətli əmək müqaviləsi ilə direktor işləyən Şahlar Xəlilovun cinayət əməlləri barədə qısaca məlumat vermək istəyirik.
Bildiririk ki, Şahlar Xəlilov 2007-ci ildə Laçın rayonunun sabiq icra başçısı Elburus Təhməzova 50 min manat rüşvət verərək Laçın rayon təhsil şöbəsinə müdir vəsifəsinə təyinat almışdı. O, müdir işlədiyi dövrdə öz köhnə vərdişindən əl çəkməyərək ,yeni işə götrülən hər müəllimdən 3-4min manat tələb edirdi.. Şahlar Xəlilov kənar rayonlardan Laçın məktəblərinə qəbul edilən X sinif şagirdlərindən 500-1000 manat ,texniki işçilərdən işə qəbul zamanı isə 1000-2000 min manat rüşvət alırdı. Bütün bununla bərabər həmdə Şahlar Xəlilov məktəblərin təmiri adı altında külli miqdarda dövlət vəsaitinin talan etməyi də bacarıb.
Özünə sərvət toplayan Şahlar Xəlilov 2011-ci ildə Laçın rayon icra hakimiyyətinin başçısı Ramiz Cəbrayılova 30000 min manat rüşvət verərək müəllimlər günündə “Əməkdar müəllim” adına layiq görülüb. Bundan sonra daha da azğınlaşan Şahlar Xəlilov bundan iki gün sonra işə yenidən qəbul edilən müəllimdən 2000 min manatı rüşvəti kadrlar üzrə RTŞ-nin məsləhətçisi Aqil Cabbarovun əlilə aldığı zaman Korrupsiyaya Qarşı Mübarizə İdarəsinin əməkdaşları tərəfindən yaxalanıb. Lakin Şahlar Xəlilov işçisini inandırıb ki, bütün günahı öz üzərinə götürsün və tezliklə onu həbsdən cıxardacaq. Özü sudan quru cıxan Şahlar Xəlilov nədənsə 3 il həbs cəzası alan işçisini yoxlamağı unudur. Bu cinayətin əsl səbəkarının təhsil şöbəsinin müdiri olduğunu anlayan sabiq icra başçısı Ramiz Cəbrayilov onu dövlət qulluğundan pensiyaya cıxardaraq 46 saylı tam orta məktəbə direktor təyin edir. Bu gündə Şahlar Xəlilov öz köhnə mərəzindən əl çəkməyərək məktəıbdə mütamadi pul toplamaqla məşğuldur. Hər il X-Xİ sinif şagirlərindən 200-300 manat pul toplayan Şahlar Xəlilov təkcə bu ilin sentyabr-oktyabr ayında ümümilikdə məktəbin 400 şagirdindən 8000 min manat pul toplayıb.
Cənab prezident! Təhsil Nazirliyi və Korrupsiyaya Qarşı Mübarizə İdarəsi tərəfindən aşkar edilən 73 nəfər saxta diplomlu müəllimdən 52 nəfəri məhz Şahlar Xəlilov tərəfindən 6-7 min manat qarşılığında işə götürülən “müəllim”lərdir.
Cənab Prezident! Biz Laçın rayon 46 saylı tam orta məktəbin valideynləri və müəllimləri olaraq məktəbi rüşvətlə idarə edən,və keçmişi qaranlıq olan birinin məktəbimizdə direktor işləməsinə qəti etiraz edirik.Çünki belə bir şəxsin rəhbərliyi altında uşaqların tərbiyə alması yolverilməzdir.
Cənab president!Sizdən Şahlar Xəlilovun 68 yaşını keçməsini,dövlət qulluğuna görə 700 manatdan çox pensiya almasını və törətməyə davam etdiyi cinayətləri nəzərə alaraq onunla müddətli əmək müqaviləsinə xitam verilməsinə Təhsil Nazirliyi tərəfindən xitam verilməsinə köməklik etməyinizi xahiş edirik.
Siz bununla bizi Şahlar Xəlilovun cinayətkar caynağından xilas etmiş olarsınız.
122 nəfər valideyn və müəllim adından Rizvan Rəhim oğlu Rəhimov.
25.10.2014
Son şərhlər