“Erməni diasporunun Dağlıq Qarabağ separatçılarının müstəqilliyini ayrı-ayrı ştatlarda tanıtmaq
cəhdləri yenə boşa çıxacaq”.
Bunu Axar.az-a açıqlamasında politoloq Vəfa Quluzadə erməni diasporunun qondarma Dağlıq Qarabağ Respublikasının müstəqilliyinin tanınması üçün yenidən hərəkətə keçməsi məsələsinə münasibət bildirərkən deyib.
Politoloq bildirib ki,ermənilər bu məkrli siyasətlərini həmişə təkrarlayacaq:
“Nə qədər ki Qarabağ məsələsi həll olunmayıb, düşmənlər bu mənfur planlarından əl çəkməyəcəklər. Ancaq hesab edirəm ki, Amerika ermənilərin bu cəhdini tanımayacaq. Hansısa bir ştatda dünyadan bixəbər, avam adamların erməniləri guya soyqırıma məruz qalmış bir xalq kimi tanımalarının heç bir qanuni əsası yoxdur. Ermənilərin ayrı-ayrı ştatlar üzrə qondarma müstəqillik əldə etmək cəhdləri boşa çıxacaq. Çünki Vaşinqton çox gözəl başa düşür ki, diaspor onun maraqlarına zərbə vurmaq istəyir. Bu reallıqda da belədir. Amerika kimi bir nəhəng Azərbaycanla əlaqələrin inkişafına və ikitərəfli əməkdaşlığa böyük önəm verir. Ermənilərin bu məkrli cəhdləri növbəti dəfə təkrarlansa da, nəticəsiz qalacaq”.
Son şərhlər