Rusiya ordusunun gecə saatlarında Kiyevə həyata keçirdiyi 20-dən çox raket hücumunda 2 nəfər ölüb, 11 nəfər yaralanıb.
Elchi.az xəbər verir ki, Rusiya dövləti ilə “Vaqner” təhlükəsizlik şirkəti arasında böhran yarandıqdan sonra Rusiya Ukrayna ərazisinə intensiv hücuma keçib.
Kiyev Şəhər Hərbi Administrasiyasının rəhbəri Sergey Popko administrasiyanın sosial media hesabından verdiyi açıqlamada Rusiya ordusunun ötən gecə Kiyevə növbəti hava hücumu həyata keçirdiyini bildirib.
Rusların X-101/555 raketlərini Xəzər dənizindən atdıqlarını qeyd edən Popko, “Kiyev ətrafındakı hava məkanından 20-dən çox raket aşkarlanıb və hava hücumundan müdafiə qüvvələrimiz və vasitələrimiz tərəfindən məhv edilib” deyib.
Popko qeyd edib ki, raket parçaları paytaxtın Solomyanka rayonunda 24 mərtəbəli mənzilə düşməsi nəticəsində 16, 17 və 18-ci mərtəbələrdə söküntülər olub və yanğın başlayıb.
Şayəstə Hüseynova
Son şərhlər