Ukrayna prezidenti Volodimir Zelenski bildirib ki, Rusiyanın bizə qarşı müharibəsi keçmişdə qalmayıb, hər gün davam edir.
Elchi.az xəbər verir ki, bu barədə Ukraynanın “Obozrevatel” nəşri yazıb.
“Biz rahatlaya bilmərik və ya unutmaq olmaz ki, Ukraynanın hələ də müdafiə dəstəyinə, təhlükəsizlik dəstəyinə və davamlılığımız üçün dəstəyə ehtiyacı var – hər gün”, – Ukrayna prezidenti qeyd edib.
Zelenskinin sözlərinə görə, “istəklilər koalisiyasında” tərəfdaşlar arasında bizi ayıra biləcək heç bir şey olmamalıdır.
“Heç bir təcrid olunmuş problem yoxdur – hər şey bizim hər birimizə təsir edir. Və hər kəs tam məlumatlandırılmalıdır. Biz qəti şəkildə inanırıq ki, Ukrayna ilə bağlı təhlükəsizlik qərarlarında ilk növbədə Ukraynanın özü iştirak etməlidir – bu bizim Cenevrədəki mövqeyimiz idi və həmişə bizim olub – Avropa ilə bağlı təhlükəsizlik qərarlarında Avropa iştirak etməlidir.
Axı, ölkənin və ya xalqın arxası ilə qərar qəbul ediləndə, onun işləməməsi riski həmişə böyük olur”, – deyə Ukrayna prezidenti əlavə edib.
Yeganə
