Rusiya Prezidenti Vladimir Putin Ukraynada yaranmış vəziyyətə görə ABŞ və Qərbin ölkəsinə qarşı
tətbiq etdiyi sanksiyalara münasibət bildirib.
Düşənbədə təşkil olunan Şanxay Əməkdaşlıq Təşkilatı (ŞƏT) sammiti çərçivəsində danışan Putin Qərbin Ukraynada sülhü istəmədiyini deyib:
“Ukrayna beynəlxalq əlaqələrin sarsılmasında girov kimi istifadə edilir. Beləcə, ABŞ öz ətrafındakı qrupları xarici təhdidlərlə qorxudaraq NATO çərçivəsində bir araya gətirir. NATO hərbi təşkilatdan çox, ABŞ xarici siyasətinə xidmət vasitəsi kimi istifadə edilir”.
Ukraynada qəbul olunan sülh planının problemin siyasi həlli baxımından əhəmiyyətli bir fürsət olduğunu deyən Putin sanksiyaları anlamadığını dilə gətirib:
“Mənim düşüncəmə görə, ən azı müvəqqəti bir vəziyyət olsa da, böhranın siyasi həlli üçün fürsət meydana gəlib. Mən bu sanksiya addımlarını anlamıram. Bəziləri bəlkə prosesin sülh yoluna doğru irəliləməsindən məmnun deyil?”
Rusiyanın sanksiyalara necə cavab verəcəyi ilə əlaqədar suala cavab verən Putin hökumətin atacağı addımların Rusiya iqtisadiyyatından asılı olacağını bildirib.
Son şərhlər