Rusiya Ukraynanın Moskva bölgəsinə endirdiyi pilotsuz təyyarə hücumlarında 5 nəfərin öldüyünü bildirib.
Elchi.az xəbər verir ki, Moskva vilayətinin qubernatoru Andrey Vorobyev sosial media hesabında hava hücumundan müdafiə sistemlərinin səhər saatlarında Moskva bölgəsində pilotsuz təyyarə hücumunu dəf etdiyini bildirib.
Vorobyev ən böyük ziyanın Çexov rayonu ətrafında baş verdiyini və pilotsuz təyyarə hücumu nəticəsində Novoselki sənaye zonasında bir neçə yanğının baş verdiyini bildirib.
O, ən böyük yanğının anbarda baş verdiyi və söndürüldüyü barədə məlumat paylaşıb, elektrik transformator stansiyası və inzibati binaya da ziyan dəydiyini və bütün təcili yardım xidmətlərinin hadisə yerində işlərini davam etdirdiyini əlavə edib.
Vorobyev Ukrayna pilotsuz təyyarəsinin hücumunda ölən və yaralananların olduğunu bildirib və deyib: “İlkin məlumatlara görə, 5 nəfər ölüb, 6 nəfər yaralanıb. Bütün yaralılara lazımi tibbi yardım göstərilir.”
Vorobyev həmçinin Solnışko kəndində dron parçalarının bir evə və bir nəqliyyat vasitəsinə zərər verdiyini və Moskva vilayətindəki Volokolamsk, Klinski, Çexov və Serebryano-Prudski yaşayış məntəqələrində dronların göründüyünü qeyd edərək, ordunun hücumları dəf etməyə davam etdiyini əlavə etdi.
Şayəstə
