Macarıstanın baş naziri Orban Ukraynanı maliyyə cəhətdən mövcud olmayan ölkə adlandırıb.
Elchi.az xəbər verir ki, Macarıstanın baş naziri Viktor Orban hesab edir ki, Ukrayna maliyyə cəhətdən mövcud olmayan ölkədir. Siyasətçi belə bir bəyanatla Kossuth radiosunda çıxış edib.
Onun sözlərinə görə, Ukraynanın özünü maliyyələşdirə bilmədiyi göz qabağındadır. Baş nazir ölkənin iqtisadi göstəricilərində böyük azalmaya işarə edib.
Siyasətçi onu da xatırladıb ki, Avropa ölkələri Ukrayna vətəndaşlarının təqaüdlərini ödəmək, eləcə də ölkədə dövlət qurumlarını, səhiyyə və təhsil müəssisələrini saxlamaq üçün külli miqdarda pul xərcləyirlər. Bu səbəbdən Orbanın fikrincə, Avropa iqtisadiyyatı əziyyət çəkir.
Siyasətçi hesab edir ki, Avropa və ABŞ Kiyevə maliyyə dəstəyini dayandırdıqda, Ukraynada münaqişə bitəcək.
Şayəstə