Polşada respublikanın Silahlı Qüvvələr Günü münasibətilə keçiriləcək hərbi parada Ukrayna nümayəndələri dəvət olunmayıblar.
Elchi.az xəbər verir ki, bu barədə Ukrayna Müdafiə Nazirliyi məlumat yayıb.
Nazirlik rəsmiləri bildiriblər ki, Polşanın paytaxtı Varşavada keçiriləcək hərbi parada Ukrayna nümayəndələri dəvət edilməyiblər.
Bununla belə, ABŞ, Kanada, Avstraliya, Litva, Rumıniya, İsveç və Estoniya nümayəndələri paradda iştirak edəcəklər.
Nəşr qeyd edir ki, bu, Polşa tarixində ən böyük hərbi paraddır. Paradda təxminən 1800 hərbi qulluqçu, 300 ədəd texnika və 60-a yaxın hava gəmisi iştirak edəcək.
Polşa və Ukrayna arasında İkinci Dünya Müharibəsi hadisələri ilə bağlı uzun müddətdir ki, “yaddaş müharibəsi” davam edir. Mübahisənin mərkəzində Volın bölgəsində polyakların kütləvi şəkildə qətlə yetirilməsində Ukrayna Millətçiləri Təşkilatının lideri Stepan Banderanın oynadığı rol dayanır. Tərəflər arasındakı gərginlik mayın 26-da – Ukrayna Prezidenti Volodimir Zelenskinin Ukrayna Silahlı Qüvvələrinin bir bölməsinə “UPA Qəhrəmanları” adını verməsi və bunun Varşavada kəskin tənqidlə qarşılanması ilə daha da artdı.
Ukrayna Prezidenti Volodimir Zelenski bu yaxınlarda tarixi müttəfiqlikləri vurğulamaqla ölkəsinin Polşadakı imicini yaxşılaşdırmağa çalışdı. Yeni kampaniyanın əsas məqsədi Ukraynaya qarşı rəğbət bəsləyən polyakları müəyyən etməkdir.
Yeganə
