Ukrayna qoşunlarının Dneprdən keçmək və sol sahil boyu əraziləri ələ keçirmək cəhdləri uğursuzluğa məhkumdur. Elchi.az RİA Novostiyə istinadən xəbər verir ki, bunu Xerson vilayəti üzrə milli siyasət və regionlararası əlaqələr komitəsinin rəhbəri Rustem Nimetullayev bildirib.
O qeyd edib ki, Kiyev öz vətəndaşlarına aman vermir və onları cəbhəyə göndərməkdə davam edir. Eyni zamanda, Ukrayna qoşunları artıq canlı qüvvə və hərbi texnikada böyük itkilər verib.
Bundan əlavə, rəsmi bildirib ki, Ukraynada, eləcə də Qərbdə siyasətçilər getdikcə daha çox başa düşürlər ki, qələbə Rusiyaya məxsus olmalıdır, çünki Odessa, Nikolayev və Dnepropetrovskda Rusiya Silahlı Qüvvələri gözlənilir. “İnsanlar artıq Kiyevdə hakimiyyəti ələ keçirən faşist rejimdən beziblər”, – deyə Xerson vilayətinin milli siyasət və regionlararası əlaqələr komitəsinin rəhbəri bildirib.
Bundan bir qədər əvvəl Xerson vilayətinin başçısı Vladimir Saldo Ukrayna Silahlı Qüvvələrinin Dneprdə olması ilə bağlı yayılan məlumatlara aydınlıq gətirib və cəbhənin bu istiqamətindəki vəziyyət barədə ətraflı danışıb.
Havar Şəfiyeva
Son şərhlər