İŞİD girovluğunda qaldıqdan sonra azad edilən Türkiyənin Mosuldakı səfiri Öztürk Yılmaz 101 günlük əsarətdən danışıb.
Musavat.com-un məlumatına görə, aparılan istintaq çərçivəsində ifadə verən səfir bildirib ki, İŞİD səfirlik işçilərini düzüb və diz çökdürüb. Aparıldığı yerləri də bir-bir qeyd edən səfir deyib:
“Maşınla yer dəyişdirəndə gözlərimizi bağlayıb, ayaqlarımıza zəncir vururdular. Hər dəfə üstümüzü ciddi şəkildə axtarırdılar. Bizi saldıqları otaqların hər yeri bağlı olurdu. Əlavə olaraq qapı və pəncərələrdə dəmir barmaqlıqlar da var idi. Çox vaxt ac qalırdıq. Ən adi ehtiyaclarımızın qarşılanmasında da maneələr olurdu.
İŞİD-dən şikayətçiyəm. Bizə qarşı edilən bu alçaq hərəkətlərə görə onların cavab verməsini istəyirəm”.
Qeyd edək ki, İŞİD 2014-cü ilin iyununda Türkiyənin Mosuldakı səfirliyinə hücum edərək səfir və işçiləri girov götürmüşdü.
Son şərhlər