ABŞ Prezidenti Donald Tramp Las-Veqasda keçirilən tədbirdə tez-tez tənqid olunan immiqrasiya siyasətini müdafiə edərək, qanunsuz immiqrantların ölkəyə girişinin qarşısını aldığını və cinayət törədən sənədsiz immiqrantları deportasiya etməyə davam edəcəklərini iddia etdi.
Elchi.az xəbər verir ki, o, vəzifəyə başladıqdan qısa müddət sonra qanunsuz immiqrantların girişinin qarşısını aldığını bildirərək dedi: “30 gün ərzində milyonlarla insanın ölkəmizə girməsinin qarşısını aldım. Təsəvvür edin, ölkəmiz işğal olunurdu. Cənub sərhədimizdən 25 milyon insan ölkəmizə gəlirdi”.
Tramp iddia etdi ki, son 15 ayda ölkəyə bir dənə də olsun qanunsuz immiqrant daxil olmayıb. “İmmiqrant cinayətlərinin bəlasını” aradan qaldırmaq üçün çalışdıqlarını deyən Tramp dedi: “Ötən həftə İspaniyada baş verənləri gördünüz, 60 mindən çox immiqrant sərhədi suya basdı, bir şəhəri işğal etdi, günahsız vətəndaşlara hücum etdi və küçələri talan etdi. Kommunistlərin Amerika üçün istədiyi budur”.
Tramp ABŞ İmmiqrasiya və Gömrük Mühafizəsi (ICE) tərəfindən həyata keçirilən həbsləri və deportasiyaları müdafiə edərək, “Biz həmişə hüquq-mühafizə orqanlarının yanında olacağıq” dedi.
Şayəstə
