ABŞ prezidenti Donald Tramp 2024-cü ildə ikinci müddətə namizəd olub-olmayacağına “o qədər də uzaq olmayan gələcəkdə” qərar verəcəyini açıqlayıb.
Elchi.az-ın Fox News-a istinadən xəbərinə görə adıçəkilən kanala verdiyi müsahibədə Tramp sandıqlarda Respublikaçı seçicilərə öndə getdiyini qeyd edib. “Sandıqlarda mən 40-50 bal arasında öndəyəm” deyən Tramp qərar verəcəyi təqdirdə bir çox rəqibin ona qarşı çıxacağına şübhə etdiyini bildirib. Çoxları dedi ki, mən qatılsam namizəd olmayacaqlar. Görək sözlərində duracaqlarmı? Düşünürəm ki, əksi olarsa bu, vəfasızlıq olardı? Bəlkə də tezliklə qərar verəcəm. “Biz bu ölkəni yenidən güclü etməliyik” deyən Tramp Bayden administrasiyasını xarici siyasət, enerji idarəçiliyi və iqtisadiyyata görə tənqid edib.
“Bizim enerji müstəqilliyimiz var idi. Bizə bütün dünyada hörmət edirdilər. Bizim vergilərimiz az idi, inflyasiya yox idi, tarixin ən güclü sərhədi bizdə idi. İndi ölkəmizə baxın. Ölkəmiz uğursuz ölkədir. Biz tənəzzülə uğrayan bir millətik” deyə ABŞ-ın keçmiş prezidenti bildirib.
Tramp bildirib ki, Rusiya prezidenti Vladimir Putin ABŞ prezidenti olsaydı, Ukraynaya təcavüz etməzdi.
“Putin mənə hörmət etdi və biz oyun oynamadıq və bu baş vermədi… İndi neft o qədər bahadır ki, Putin müharibəni davam etdirə bilər. Pul onun üçün problem olmayacaq”, – deyə o, fikrini yekunlaşdırıb.
Şəlalə