Keçən həftə Pekində keçirilən görüş zamanı ABŞ Prezidenti Donald Tramp bəyan edib ki, ABŞ, Çin və Rusiyanın Beynəlxalq Cinayət Məhkəməsinin (BCM) fəaliyyətinə qarşı durmaqda ümumi maraqları var və onlar bu təşkilata qarşı birləşməlidirlər.
Elchi.az xəbər verir ki, bu barədə “Financial Times” (FT) qəzeti öz mənbələrinə istinadən yazır.
FT mənbələrinin iddia etdiyinə görə, Tramp hər üç ölkənin BCM-nin fəaliyyətinə qarşı müqavimət göstərməkdə ümumi maraqlara sahib olduğunu və bu struktura qarşı əlaqəli şəkildə hərəkət etməli olduqlarını qeyd edib. Çin tərəfinin bu təklifə reaksiyası isə açıqlanmır.
Rusiya və Çin BCM-nin üzvü deyillər, buna görə də onun yurisdiksiyasına tabe olmur və qəbul etdiyi qərarları tanımırlar. Bununla belə, məhkəmə daha əvvəl Vladimir Putin və Rusiya rəhbərliyinin digər nümayəndələri də daxil olmaqla bir sıra yüksək rütbəli şəxslərin, həmçinin Qəzzadakı münaqişə fonunda İsrail siyasətçilərinin həbsinə order verib.
BCM-nin bu qərarlarına cavab olaraq, ABŞ administrasiyası təşkilatı amerikalıları və onların ən yaxın müttəfiqlərini qanunsuz təqib etməkdə ittiham edərək məhkəməyə qarşı sanksiya tədbirləri tətbiq etmişdi.
Məryəm
