Tovuzda zorlandığı deyilən qız oğlana intim mesajlar yazıbmış?
Bir neçə gün öncə Tovuzun Əyyublu kəndindəki zorlanma xəbəriylə bağlı yeni təfərrüatlar üzə çıxıb. Xatırladaq ki, xəbərdə Əyyublu qəsəbə sakini 20 yaşlı tələbə qız G.K-nın(Qızın qohumları adının açıqlamasını istəməyib) tətillə əlaqədar evlərində olarkən həmkəndliləri tərəfindən qaçırılaraq zorlandığı bildirilirdi.
Qeyd olunurdu ki, G.K həmyaşıdlarının şantajına uğrayıb. Qəsəbənin 4 gənc sakini qızı zorlanma ilə bağlı səkilləri yaymaqla şantaj ediblər. Onlar bir neçə dəfə qıza zəng edərək görüşə çağırıblar. Lakin G.K etiraz edib və qorxduğundan heç kimə də heç nə bildirməyib.
Qızın yaxınlarının dediyinə görə, martın 22-də saat 12 radələrində Məmmədov Kamil Əbülfət oğlu, Niyazov Elməddin İskəndər oğlu ilə birgə G.K-nı qaçırıb:
“Qızı möhkəm döyüb və ona qarşı seksual hərəkət ediblər. Daha sonra qızı nənəsigilə gətiriblər. Bir neçə saat sonra qıza zəng edərək baş verənləri çəkdiklərini bildiriblər. Əgər küçəyə çıxmazsa, fotoları yayacaqlarını bildiriblər. Qıza qarşı seksual hərəkət edənlər baş verən hadisəni dostları Kərimov Mürsəl Asif oğlu və Rzayev Nemət Həsrət oğluna danışıblar. Bu dəfə onları da özləri ilə gətiriblər. Qızın başına oyun açdıqdan sonra yenidən gətirib nənəsigilə qoyublar. Baş verənlər haqda kiməsə danışacağı halda qızı ölümlə hədələyiblər”.
Ölkə.Az saytına sözügedən hadisə ilə bağlı yeni məlumatlar daxil olub. Bildirilib ki, G.K oğlanlardan birinə seksual xarakterli mesajlar yazıb, onunla intim münasibətdə olmaq istəyini söyləyib.
Saxlanılmış dörd nəfərdən biri olan Mürsəl Asif oğlu Kərimovun vəkili Zabil Qəhrəmanov isə əməkdaşımızla söhbətində məlumatı qismən təsdiqləyib:
“Qızın oğlana yazdığı mesajlarla bağlı məlumat var. Amma heç nə tam məlum deyil. Müdafiə etdiyim şəxsə zorlama maddəsiylə cinayət işi açılmışdı. Sonra maddə (seksual xarakterli hərəkətlər) dəyişdirildi. Bizə qızın narkotik istifadəçisi olmasıyla bağlı da məlumatlar daxil olub. Daha doğrusu, müdafiə etdiyim Mürsəl Kərimovun mənə verdiyi məlumata görə, qız bu barədə ona deyib. Mesaj məsələsinə gəlincə, qız saxlanılan digər şəxsə – Niyazov Elməddinə mesaj yazaraq ondan kontur istəyib və bunun müqabilində, onunla görüşəcəyini söyləyib. Qızın zorlanmasına gəlincə, ilkin tibbi ekspertizada bu barədə heç nə öz əksini tapmayıb. Ümumiyyətlə, burada söhbət qızın bakirəliyindən getmir. Ekspertiza onunla anal seksin yaşanıb-yaşanmadığını araşdırdı və ortaya heç bir sübut çıxmadı”
Əməkdaşımız sözügedən hadisəyl bağlı Tovuz rayon Polis İdarəsi ilə də əlaqə saxlayıb. İdarənin müstəntiqi Namiq Kazımov heç bir məlumat verə bilməyəcəyini deyib:
“Hazırda istintaq davam etdiyindən heç nə deyə bilmərəm. İstintaq yekunlaşandan sonra geniş açıqlama veirləcək”.
İntiqam VALEHOĞLU
Son şərhlər