Sosial mediada başlayan yeni tendensiya insan sağlamlığına qarşısıalınmaz ziyan vurmaqla hədələyib. “Miracle Mineral Solution (MMS)” və ya “aerob oksigen” kimi bazara çıxarılan tərkibində xlor dioksidi olan məhsullar insan sağlamlığı üçün ciddi təhlükə yaradan kimyəvi maddədir.
Elchi.az xəbər verir ki, MMS əslində bir ağartıcı növüdür. Bu, məşhur ağartıcı olan natrium hipoklorit deyil, eyni dərəcədə zəhərli olan natrium xloritdir.
Bu maddə mədə turşusu ilə təmasda olduqda xlor dioksidə çevrilir. Bu güclü ağartıcı xəstəxana və diş avadanlıqlarını dezinfeksiya etmək üçün istifadə olunur.
Ancaq bu, onu insan orqanizmi üçün təhlükəsiz etmir. Əksinə, MMS içmək bir neçə saat ərzində qusma, ishal və mədə ağrısı kimi ağır reaksiyalara səbəb ola bilər.
Daha ağır hallarda, mədə və bağırsağın selikli qişasını yandıra bilər, bağırsaq perforasiyasına, potensial ölümcül təcili vəziyyətə səbəb ola bilər.
Şayəstə Hüseynova
