Çinlə suverenlik münaqişəsində olan Tayvanda xalq yerli seçkilər üçün sandığa gedib.
Mərkəzi Seçki Komissiyasından verilən məlumata görə, adada 17 min 649 mərkəzdə səhər saatlarında səsvermə başlayıb.
Seçkilərdə 16 əyalət və 6 böyük şəhərin bələdiyyə başçıları, yerli şuraların üzvləri və aşağı səviyyəli yerli idarəçilər müəyyənləşəcək. Bundan əlavə, səsvermə yaşının 20-dən 18-ə endirilməsini nəzərdə tutan konstitusiya dəyişikliyinə səs veriləcək.
Elchi.az xəbər verir ki, təxminən 23,5 milyon əhalisi olan adada 19,13 milyon qeydə alınmış seçici var. Səs verə bilənlərin sayı əhalinin 82 faizini təşkil edir.
Seçkilər paytaxt Taybey, Yeni Taybey, Taoyuan, Taichung, Tainan və Kaohsiung, adadakı digər 14 əyalət və inzibati cəhətdən Çinin Fucien əyalətinin bir hissəsi hesab olunan xaricdəki Kinmen və Lienchiang əyalətləri də daxil olmaqla 6 böyük şəhərdə keçiriləcək.
Seçkilərlə birlikdə keçiriləcək referendumda səsvermə yaşının 20-dən 18-ə endirilməsini nəzərdə tutan konstitusiya dəyişikliyi ümumxalq səsverməsinə çıxarılır.
Kovid-19 səbəbilə məcburi karantində olan insanlar sağlamlıq riski səbəbindən səs verə bilməyəcəklər. Seçki Komissiyası təxminən 65 min insanın bu səbəbdən səs verə bilməyəcəyini proqnozlaşdırsa da, karantini pozaraq seçkiyə gedənlər 2 milyon Yeni Tayvan dollarına (təxminən 64 min dollar) qədər cərimələnəcək.
Çinlə artan gərginliyin kölgəsində keçirilən seçkilərdə kampaniyalar zamanı yerli problemlərin və siyasət vədlərinin ön plana çıxdığı müşahidə edilir.
Tayvanın lideri, hakim Demokratik Tərəqqi Partiyasının (DPP) sədri Tsai-İngwen, partiyanın namizədlərinin seçki kampaniyalarına dəstək üçün iştirak etdiyi tədbirlərdə “Çinin təhdidlərinə qarşı durmaq və Tayvanın suverenliyini qorumaq” üçün mesajlar verdi. Müxalifətdəki Millətçi Partiyasının (Koumintag) nümayəndələri vurğulayıblar ki, Çinlə münasibətləri yerli seçkilərlə qarışdırmaq olmaz.
Şayəstə