“Taliban” terror təşkilatının Pakistandakı qollarından biri pakistanlı gənc qız və hüquq müdafiəçisi Məlalə Yusufzaya Nobel sülh mükafatı verilməsinə sərt etiraz bildirib.
Musavat.com-un xəbərinə görə, qruplaşma onu “kafirlərin agenti” adlandırıb. Qurumun lideri həmçinin, hədələyici formada bəyan edib ki, onlar “antiislam mövqeyində olanlarla” mübarizəni davam etdirəcəklər.
Yada salaq ki, “Taliban” 2012-ci ilin oktyabrında Məlaləni güllələməyə cəhd edib. Səbəb də onun hörgütün qız uşaqlarının təhsil almasına qoyduğu yasağa qarşı çıxması olmuşdu. O zaman Məlalənin 17 yaşı var idi. Həmin ilin sentyabrında Pakistan ordusu sui-qəsdin iştirakçılarının həbs edildiyi haqda açıqlama yaymışdı. Saxlanılanlar sui-qəsdin “Taliban”ın Pakistan qolunun rəhbəri tərəfindən sifariş edildiyini boyunlarına almışdılar.