Ural Hava Yolları şirkətinin Jukovsk-Xucand reysində olduqca maraqlı hadisə baş verib.
Elchi.az xəbər verir ki, bu barədə şirkətin Teleqram kanalında qeyd edilib.
Təyyarə havaya qalxandan sonra hamilə qadının doğuş sancıları başlayıb. Ekipaj bu barədə xəbər tutan kimi sərnişinlər içərisində həkim olub-olmaması ilə bağlı müraciət edib.
Əsl möcüzə də bu müraciətlə ortaya çıxıb: məlum olub ki, sərnişinlər içərisində neonatoloq, iki mamaça, hətta iki nəfər də rentqenoloq var.
Beləliklə, uçan “tibb personalı” dərhal səfərbər olub və doğuş əməliyyatı başlayıb.
Təyyarə kapitanı təklif etsə də, həkimlər təcili enişə heç bir ehtiyac olmadığını, doğuşu həyata keçirmək üçün hər cür şərait olduğunu bildiriblər.
Bir müddətdən sonra isə sap-sağlam qız uşağı dünyaya gəlib.
KİV: İran İsrailin nüvə mərkəzini vura bilər
İran, İsrailin hücumu halında Dimonadakı nüvə tədqiqat mərkəzini vura bilər. Elchi.az xəbər verir ki, bu barədə İranın dövlət telekanalı "Press...