Sudanda gərginlik azalmır. 24 saatlıq atəşkəsə baxmayaraq, ölkədə ordu ilə yarımhərbiləşdirilmiş Çevik Dəstək Qüvvələri arasında qarşıdurma dayanmayıb, həyatını itirənlərin sayının 300-ə yüksəldiyi açıqlanıb.
Elchi.az xəbər verir ki,Ümumdünya Səhiyyə Təşkilatının (ÜST) baş direktoru Tedros Adhanom Ghebreyesus öz Twitter hesabında Sudandakı münaqişələrlə bağlı paylaşım edib.
Ölkədəki vəziyyətin daha həyəcanlı və acınacaqlı olduğunu bildirən Qebreyesus, “İndiyə qədər (Sudandakı qarşıdurmalarda) 300-ə yaxın insan həyatını itirib, 3000-dən çox insan isə yaralanıb. Bütün itkiləri qınayıram. Xüsusilə mülki şəxslərə və səhiyyə xidmətlərinə edilən hücumlar”ifadələrdən istifadə etmişdir.
Qebreyesus, Sudandakı səhiyyə müəssisələrini işğal edən qüvvələrdən gələn xəbərlərin həyəcan verici olduğunu da qeyd edərək, “Səhiyyə xidmətlərinə edilən hücumlar beynəlxalq hüquq və sağlamlıq hüququnun açıq şəkildə pozulmasıdır”. Elektrik, qida, su və personala təhlükəsiz çıxışda yaşanan problemlərin və tibbi ləvazimatların azalmasının yaşandığını bildirən Ghebreyesus, təcili yardıma ehtiyacı olan minlərlə yaralı olduğu halda bu vəziyyətin səhiyyə müəssisələrinin işləməsini demək olar ki, qeyri-mümkün etdiyini ifadə etdi. Ghebreyesus Sudandakı tərəflərə “münaqişələrdə insani fasilə” çağırışını təkrarladı və sülhün yeganə həll yolu olduğunu qeyd etdi.
Nuranə Məmmədova
Son şərhlər