“Şarli Hebdo” həmişə dini dəyərləri təhqir edib”

Bütün Qərb dünyası Parisdə yerləşən jurnal redaksiyasına olan hücumu terror aktı olaraq qınayarkən ABŞ-ın Katolik təşkilatı daha çox dini dəyərlərə təhqirə diqqət çəkib.

Axar.az təşkilatın rəsmi saytına istinadən xəbər verir ki, ABŞ-da yerləşən təşkilatın lideri Bill Donohue “Şarli Hebdo” jurnalının redaksiyasına olan hücum haqqında açıqlama verərək, müsəlmanların qəzəblənməkdə haqlı olduğunu deyib.

Açıqlamasında dini inanclar istiqamətli hücumları, təhqirləri qınayan təşkilat rəhbəri “Şarli Hebdo” jurnalının redaktoru Stefani Şarbonerin “öz ölümünə gətirib çıxaran tragik hadisədə oynadığı rolun fərqinə varmadığı”nı bildirərək belə deyib: “Əgər Stefani özünü narsist kimi aparmasaydı, indi sağ olardı. Parisdə baş verən hücumu müsbət qarşılamaq olmaz, nə qədər incisələr də, qarşılığı cinayət olmamalıdır, bu lənətlənməlidir. Fəqət bu işi görəndə bu cür hadisələrin baş verə bilmə ehtimalını nəzərə almaq lazım idi”.

Təşkilatın rəhbəri “rahiblərin masturbasiya edərkən, keşişlərin prezervativ istifadə edərkən karikaturalarını çəkdilər” kimi yazılarla “Şarli Hebdo”nun həmişə dini dəyərləri təhqir etdiyini bildirib.