Rusiya prezidenti Vladimir Putin iyunun 20-də Sankt-Peterburqda Ermənistan və Azərbaycan prezidentləri ilə ayrı-ayırlıqda görüş keçirəcək. Bundan sonra dövlət başçılarının Dağlıq Qarabağ probleminin nizamlanması məsələsinin nəzərdən keçiriləcəyi üçtərəfli görüşü baş tutacaq. Bəs, bu görüşlərdən gözləntilər nədir?
Millət vəkili Sahib Alıyev Tezis.az saytına deyib ki, əgər Ermənistan rəhbrliyinin konstruktiv danışıqlara hazır olduğunu, Minsk qrupuna həmsədlik edən dövlətlərin həqiqqətən də problemin çözümünə çalışdığını hiss etsə idi, Azərbaycan heç də prezidentlərin görüşü öncəsi hərbi təlimlərə başlamazdı: “Buna ehtiyac duyulmazdı. Nə də cənab Prezident iftar süfrəsindəki xəbərdarlığını etməzdi ki, Azərbaycan daha 20 il oturub gözləməyəcək. Hazırda Ermənistanda baş verənlər də onu göstərir ki, orada aprel döyüşlərində itirdikləri mövqelər qaytarılmadan və irəli sürdükləri daha bir neçə şərtə əməl olunmadan danışıqlara getmələrininin özünü çox böyük bir güzəşt sayırlar”.
“Ona görə də mən Sankt-Peterburq görüşündə mühüm addımlar atılacağını düşünmürəm. Ancaq ola bilər ki, nələrinsə anonsu veilsin. Əhəmiyyətli irəliləyiş olmayacağı, yəni erməni işğalçılarının ən azından Dağlıq Qarabağ ətrafındakı torpaqları boşaltmayacağı təqdirdə isə hazırda həmsədr dövlətlərin, özəlliklə də ABŞ-ın cəbhə boyunca atəşkəsin pozulmasını qeydə alan avadanlıqların yerləşdirlməsi istəyinin də reallaşacağını zənn etmirəm. Çünki bu, problemin çözümünə deyil, dondurulmasına xidmət edir”- deyə deputat fikrini tamamlayıb.
Son şərhlər