AXCP Naxcıvan şöbəsinin sədri, jurnalist Həkim Eldostu Mehdiyev qəza ilə üzləşib. Cebhe.info xəbər verir ki, şöbə sədri bu gün həyətdə işləyərkən biləkdən aşağı qolunu kəsib.
Jurnalastin ailəsindən verilən məlumata görə, o, dərhal Şərur rayon xəstəxanasına aparılsa da, xəstəxananın qəbul şöbəsi Həkim Eldostu Mehdiyevi qəbul etməkdən imtina edib. Səbəbi isə AXCP şöbə sədrinin daha yaxşı şəraiti olan xəstəxanaya müraicət etməsinin vacibliyi ilə əlaqələndirilib.
Daha sonra ailəsi ağır vəziyyətdə olan şöbə sədrini Naxçıvan şəhər xəstəxanasına aparsa da, burada da Həkim Eldostu Mehdiyevi müalicə etməkdən imtina ediblər. Səbəbi isə qeyri-rəsmi söhbət zamanı müxalifətçi olması ilə izah edilib.
Həkim Eldostu Mehdiyevin ailəsinə onu Bakıya aparmaq tövsiyə olunub. Ancaq təyyarəyə bilet olmadığından Həkim Eldostu Mehdiyevi hələlik Bakıya gətirmək mümkün olmayıb. Ağır vəziyyətdəki xəstəni qəbul etməyərək ona hətta ilkin tibbi yardım göstərməyən səhiyyə işçiləri Hippkrat andına “sadiqliklərini” sübuta yetirmiş olublar.
Məsələ ilə bağlı Cebhe.info-nun əməkdaşı Səhiyyə Nazirliyi ilə əlaqə saxlamağa cəhd etsə də qeyri-iş günü olduğundan telefonlara cavab verilməyib.
Son şərhlər