Keçmiş İran prezidenti Məhəmməd Hatəminin sözçüsü Abdullah Ramazanzadə Rusiyanın sərt şəkildə ittiham edib.
Avropa.info xəbər verir ki, Ramazanzadə Moskvanın Tehran əleyhinə siyasət yürütdüyünü deyib.
“Putin Tehran səfəri zamanı dedi ki, Rusiya dostlarını kürəyindən xəncərləməz. Lakin, Putinin elə bu sözündən sonra, Moskvanın Tehran əleyhinə apardığı siyasətə şahid oluruq. Rusiya, Səudiyyə Ərəbistanı və Qətərlə İranın əleyhinə neft bazarı haqqında razılaşmağaya getdi.
Moskva S-300 hava müdafiə sistemlərini Tehrana verməkdən qaçır və İranla koordinasiya edilmədən ordusunu Suriyadan çıxardı. Mənə iki qardaşını İran- rus müharibəsində itirən nənəmdən miras qalan bu sözlər var, “Rusiyanın ipi ilə quyuya enmək olmaz. Biz Rusiyanın İran-İraq müharibəsi zamanı Səddamı silahlandırdığını unutmamalıyıq” deyə Ramazanzadə qeyd edib.
Son şərhlər