Ötən gecə Ukraynanın Odessa bölgəsində pilotsuz təyyarələrlə həyata keçirilən hücumda Rusiyanın Dunay çayındakı liman infrastrukturunu hədəf aldığı bildirilib.
Elchi.az xəbər verir ki, Ukraynanın Odessa vilayətinin Hərbi Administrasiyasının rəhbəri Oleq Kiper sosial media hesabından verdiyi açıqlamada rus əsgərlərinin ötən gecə Odessa vilayətinə növbəti hücumu həyata keçirdiklərini bildirib.
Rusların Dunayın liman infrastrukturunu hədəf aldığını qeyd edən Kiper, “Ruslar Şahed pilotsuz uçuş aparatları ilə limanlara 4 saat ərzində hücum etdi. 3 İHA hava hücumundan müdafiə qüvvələrimiz tərəfindən məhv edildi” ifadəsini işlətdi.
Hücumlar nəticəsində 6 nəfərin yaralandığı barədə məlumatı paylaşan Kiper, taxılla dolu anqarın məhv edildiyini, saxlama çənlərinin zədələndiyini qeyd edib.
Şayəstə Hüseynova