Rusiyanın An-12 təyyarəsi İrkutsk vilayəti yaxınlığında qəzaya uğrayıb.

Bu barədə Sibir aviasiya axtarış-xilasetmə mərkəzi məlumat yayıb.

“Məlumata görə, təyyarə aerodromun yaxınlığında yerləşən Pivovarixa kəndi ərazisində qəzaya uğrayıb. Təyyarə iki dəfə havada dövrə vurandan sonra radarlardan itib”, – məlumatda bildirilib.

Təyyarənin göyərtəsində 8 nəfərin olduğu bildirilir.

***

RİA-nın məlumatına görə, İrkutskda An-12 yük təyyarəsinin qəzaya uğraması nəticəsində 2 nəfər ölüb.

***

An-12 yük təyyarəsinin qəzaya uğradığı yerdə iki qara qutudan biri tapılıb

Bu barədə Rusiya Fövqəladə Hallar Xidmətinin nümayəndəsi məlumat verib.

O əlavə edib ki, tapılan cihazın texniki vəziyyəti yaxşıdır.

İrkutsk vilayətinin qubernatoru İqor Kobzev isə bildirib ki, təyyarənin göyərtəsində olan hər kəs həlak olub.