Rusiyanın Yujno-Saxalinsk şəhərində 30 yaşlı azərbaycanlı 27 yaşlı həmyerlisinə atəş açıb.
ANS PRESS-in məlumatına görə, bu barədə Saxalin vilayətinin istintaq idarəsinin saytında bildirilib.
Hadisə dünən Yujno-Saxalinsk şəhərinin Lenin küçəsində yerləşən banklardan birinin yanında baş verib. 30 yaşlı Azərbaycan vətəndaşı 27 yaşlı həmyerlisinin avtomobilinə atəş açıb.
Güllələr həm avtomobilə, həm də onun sahibinə dəyib. Zərərçəkmiş ayağından yaralanıb. Onu F.S. Ankudinova adına şəhər xəstəxanasına apararaq tibbi yardım göstəriblər.
Hadisə ilə bağlı istintaq başlayıb. Hadisənin baş verdiyi şərait öyrənilir.
Uzaq şəhərdə yerləşən Yujno-Saxalinsk şəhəri Saxalin vilayətinin mərkəzidir. Moskvadan 9 min 400 kilometr aralı yerləşir, təyyarə ilə məsafə 6 min 700 kilometrdir. Uzaq Şərqin altıncı şəhəri sayılan Yujno-Saxalinskdə 200 minə yaxın adam yaşayır.
Son şərhlər