Rusiya və Azərbaycanın milli valyutaları ilə hesablaşmaların sayı 54%-i ötüb

2024-cü ilin əvvəlində Rusiya ilə Azərbaycan arasında milli valyutalarda qarşılıqlı hesablaşmalar 54%-i ötüb.
Elchi.az xəbər verir ki, bu barədə Rusiyanın Azərbaycandakı səfiri Mixail Evdokimov “İzvestiya”ya müsahibəsində bildirib.
“Bu ilin əvvəlində Rusiya və Azərbaycanın milli valyutaları – rubl və manatdan istifadə 54%-i ötüb. Yəni, Bakı ilə münasibətlərimizdə dollar və avrodan uzaqlaşırıq. Bu, Qərbin sanksiyalarının nümunəsidir, buna görə onlara çox sağ olun”, – deyə Evdokimov bildirib.
Bundan əlavə, o bildirib ki, 2023-cü ildə ölkələrimiz arasında ticarət dövriyyəsi gözlənilən 4 milyard dolları keçərək 17% artaraq 4,4 milyard dollara çatıb. Üstəlik, bu artıma Bakı vasitəsilə təkrar ixracla deyil, iri sənaye kooperasiya layihələri vasitəsilə nail olunub.
“Məsələn, bu KAMAZ-dır ki, burada mövcuddur və artıq servis mərkəzi açıb. Bu il Bakı metropoliteni üçün böyük bir layihəmiz var, 35 vaqon. Bakının inkişafı üzrə baş planda tramvaylardan istifadənin nəzərdə tutulduğundan elektrik avtobusları və tramvaylar üzrə başqa layihələr də var”, – deyə rusiyalı diplomat bildirib.
Eyni zamanda, Azərbaycan təkcə Rusiyadan sənaye məhsulları almağı deyil, həm də quraşdırma və texniki xidmətin yerində lokallaşdırılmasını planlaşdırır ki, bu da ölkələrimiz arasında dərin sənaye əməkdaşlığının nümunəsinə çevrilir.

Nuranə Məmmədova