Rusiya növbəti dəfə Qərb üçün narahatlıq doğuran və Avropanı lərzəyə salacaq addım atıb. Belə ki, bu ölkənin paraşütçüləri Estoniya və Latviya sərhədində təlimə başlayıblar.
ANS PRESS-in məlumatına görə, ötən gün 2 minədək Rusiya əsgəri ölkənin qərbindəki Pskov regionunda təlim keçib. Pskov Avropa İttifaqı üzvləri olan Estoniya və Latviya ilə həmsərhəd zonada yerləşir. Fevralın 28-dək davam edəcək təlimdə 1500 əsgər paraşütdən tullanacaq və xəyali düşmənin hava bazasını tapıb məhv edəcək.
Moskva rəsmiləri bildiriblər ki, onlar paraşütçü hissələrin təftişini həyata keçirirlər.
Ümumiyyətlə, Ukrayna müharibəsi başlayandan Rusiya keçmiş sovet qonşularını və Qərbi təlatümə salan bir neçə təlim keçirib.
Xatırladaq ki, Estoniya fevralın 24-də müstəqillik gününü hərbi paradla qeyd edib. Paradda NATO texnikası və Böyük Britaniya, Niderland, İspaniya, Latviya və Litva əsgərləri iştirak ediblər.
Litva isə iki gün əvvəl bildirib ki, bu ilin sonunadək ölkədə məhdud səfərbərlik elan olunacaq.
Son şərhlər