Elchi.az xəbər verir ki, Beynəlxalq Kosmik Stansiyada vəzifə yerinə yetirən rusiyalı kosmonavtlar Oleq Kononenko və Nikolay Çub modulda avadanlıq quraşdırmaq üçün təxminən 8 saatlıq kosmos gəzintisi ediblər.
Rusiyalı kosmonavtlar Oleq Kononenko və Nikolay Çub Beynəlxalq Kosmik Stansiyadakı Poisk Mini Tədqiqat Modulundan kosmosa çıxıblar. “Nauka” moduluna keçən rus kosmonavtları modulda nanopeyk və rabitə aparat sistemləri quraşdırıblar. Rus kosmonavtlarının 6 saat 52 dəqiqə olaraq planlaşdırılan kosmos səfəri, peyk sisteminin tam yerləşdirilməməsi səbəbindən 7 saat 41 dəqiqədə tamamlandı. Rabitə avadanlığının modula quraşdırılması başa çatdırılarkən nanopeyk sisteminin quraşdırılmasının növbəti kosmos səyahəti zamanı həyata keçiriləcəyi bildirilib. Rusiyalı kosmonavt Oleq Kononenko altıncı dəfə, Nikolay Çub isə ilk dəfə kosmosda gəzinti missiyasını yerinə yetirib.
NASA astronavtları Loral O’Hara və Jasmin Moghbeli də oktyabrın 30-da kosmosa çıxacaqlar. Kosmik yürüşün saat 08.05-də başlaması və təxminən 6 saat yarım davam etməsi planlaşdırılır.
Şayəstə Hüseynova
Son şərhlər