Rubio: Trampın ittihamlarına baxmayaraq, Si Cinpinin ABŞ-a səfərinə hazırlıqlar davam edir
Elchi.az xəbər verir ki, ABŞ prezidenti Donald Trampın Pekinin seçkilərə müdaxilə etdiyi iddialarına baxmayaraq, Çin prezidenti Si Cinpinin sentyabr ayında ABŞ-a səfərinə hazırlıqlar davam edir. Bloomberg xəbər verir ki, bu barədə ABŞ dövlət katibi Marko Rubio bildirib.
17 iyulda xalqa televiziya ilə müraciətində Tramp iddia edib ki, ABŞ-dakı “dərin dövlət” nümayəndələri Çinin seçkilərə müdaxiləsinin miqyası barədə məlumatları ABŞ rəhbərliyindən və Amerika xalqından gizlədiblər.
“Səfərin sentyabr ayında baş tutacağını gözləyirik”, – Rubio deyib.
Diplomat əlavə edib ki, Pekin səfərə hazırlıq üçün Vaşinqtona nümayəndələrini göndərməyə davam edir.
May ayında Tramp Çinə rəsmi dövlət səfəri edib. Amerika liderinin sözlərinə görə, bu, iki tərəfin çoxsaylı iqtisadi razılaşmalar əldə etdiyi “inanılmaz bir səfər” idi.
Trampdan sonra Rusiya prezidenti Vladimir Putin də Çinə səfər edib. Görüşün yekunlarına görə, Moskva və Pekin 42 sənəd imzalayıblar.
Şayəstə
