Bildirilir ki hazırda “ilkin danışıqlar” aparılır.
Elchi.az xəbər verir ki, Rusiya və Ukrayna mütəxəssisləri Cenevrədə iki təşkilat vasitəsilə danışıqlar aparırlar, adları çəkilmir.
Bu barədə İsveçrənin RTS teleradio şirkəti məlumat yayıb.
Nəşrin məlumatına görə, danışıqlar Cenevrədə yerləşən iki qeyri – kommersiya təşkilatı tərəfindən aparılır, onlardan biri humanitar dialoq mərkəzi, HD Mərkəzi, ikincisi isə təhlükəsizlik siyasəti Mərkəzi, GCSP.
Qeyd olunur ki, təşkilatlar İsveçrədən maliyyə dəstəyi alır və hazırda “Rusiya və Ukrayna tərəfdaşları ilə ilkin danışıqlar aparır”. Materialda həmçinin bildirilir ki, görüşlərin məqsədi tərəflər arasında dolayı dialoq formasını saxlamaqdır.
“Söhbət hər iki tərəfdən prezident administrasiyalarına çıxışı olan yüksək səviyyəli ekspertlərdən gedir”, – nəşr GCSP direktoru Tomas Qreminqerin sözlərinə istinad edib.
HD Center direktoru David Harland nəşrə verdiyi açıqlamada, 2023-cü ilin mart ayında Kiyevə və Moskvaya və daha sonra BMT-yə “kənd təsərrüfatı mallarının ixracına dair mümkün bir razılaşma, dünyada milyonlarla insanın ödədiyi və Rusiya və Ukrayna taxılından asılı olan ərzaq qiymətlərinin endirilməsinə dair bir razılaşma”təklif etdiklərini söyləyib.
Xatırladaq ki, ötən həftə, fevralın 23-də İsveçrə Xarici İşlər Nazirliyi Cenevrədə Ukrayna ilə bağlı aparılan danışıqlar barədə məlumat verərək, şəhərin danışıqları “maksimum ehtiyatlılıq” şəraitində qəbul etdiyini, lakin hələlik dialoqun “ən yüksək səviyyədə olmadığını”açıqladı.
Eyni zamanda, bir neçə gün sonra, fevralın 27-də Rusiya liderinin mətbuat katibi Dmitri Peskov Ukrayna böhranı ilə bağlı danışıqlar üçün ilkin şərtlərin olmadığını bildirərək, hazırda Rusiyanın Ukraynadakı xüsusi əməliyyatının hədəflərə doğru getdiyini vurğulayıb.
Şayəstə
Son şərhlər