Qəzza zolağında Roma qəbiristanlığında aparılan qazıntılar zamanı arxeoloqlar 125-dən çox məzar, həmçinin 2 nadir Misir sarkofaq aşkar ediblər.
Elchi.az Reuters.com-a istinadən xəbər verir ki, təxminən 2 min il yaşı olan məzarların əksəriyyətində skeletlər demək olar ki, zərərsiz şəkildə qorunub saxlanılıb.
Fransız Bibliya və Arxeologiya Məktəbinin eksperti Fadel Əl-Autoul qeyd edib ki, Fələstində ilk dəfə olaraq 125 qəbirdən ibarət qəbiristanlıq, Qəzzada isə ilk dəfə olaraq 2 qartal sarkofaq aşkar ediblər. İki sarkofaqdan biri üzüm ornamenti, digəri isə delfin təsvirləri ilə bəzədilib.
Qeyd edək ki, Qəzza zolağı qədim Misir dövründən, ərazidə İncildə adı çəkilən filiştlilərin məskunlaşdığı dövrdən Roma İmperiyası və Səlib yürüşlərinə qədər mühüm ticarət yollarının kəsişmə nöqtəsi idi. Dünyanın ən qədim şəhərlərindən biri olan Qəzza min illər ərzində çoxlu dağıdıcı işğallara məruz qalıb.
Roma qəbiristanlığı ötən il aşkar edilib, lakin maliyyə çatışmazlığı səbəbindən yerli arxeoloqlar qazıntı sahəsini bağlamalı olub. Qəbirlər yalnız Fransız Bibliya və Arxeologiya Məktəbinin (Yerusəlim) mütəxəssislərinin köməyi ilə lazımi şəkildə öyrənilmişdi.
Yeganə
Son şərhlər