Ramafosa BCM-dən Putini həbs etməmək üçün icazə istəyir

Cənubi Afrika prezidenti Rusiya prezidenti Vladimir Putinin həbs edilməməsi üçün Beynəlxalq Cinayət Məhkəməsindən (ICC) icazə istəyib.
Elchi.az xəbər verir ki, Siril Ramafosa bu barədə müxalif Demokratik Alyansın BRİKS sammiti üçün Yohannesburqa gələcəyi təqdirdə hökuməti Rusiya prezidentini həbs etməyə məcbur etmək üçün qaldırdığı iddiaya cavab olaraq bildirib.
Ramafosa deyib ki, Putinin həbsi müharibə elanına bərabər olacaq, Reuters xəbər verir.
“Cənubi Afrikada prezident Putinin həbsi və ekstradisiyası tələbini yerinə yetirməkdə aşkar problemlər var. Rusiya açıq şəkildə bildirdi ki, hazırkı prezidentinin həbsi müharibə elanı olacaq”, – Ramafosa açıqlamasında bildirib. O, bu məsələ ilə bağlı BCM ilə məsləhətləşmələrə başladığını, lakin detalları açıqlaya bilməyəcəyinə aydınlıq gətirib.

Şayəstə Hüseynova