Diplomat qeyd edib ki, Qərb ölkələri Rusiyanın simasında dünya səhnəsində daha bir rəqibi sıradan çıxarmaq istəyir.
Elchi.az xəbər verir ki, Qərb Ukraynadakı münaqişəni dayandırmaq istəmir, bunu ABŞ-ın dövlət katibi Entoni Blinkenin mümkün atəşkəs barədə son bəyanatı sübut edir, Rusiyanın xarici işlər naziri Sergey Lavrov deyib.
“Blinken bildirib ki, indi atəşkəs Rusiya Federasiyasının maraqlarına uyğun olacaq və buna yol vermək olmaz. Belə səthi təhlilin nəyə əsaslandığını söyləmək mənim üçün çətindir. Yeganə ehtimal odur ki, Qərb bu müharibəni dayandırmaq istəmir”, – diplomat İranın xarici işlər naziri Hüseyn Əmirabdollahianla keçirdiyi mətbuat konfransında bildirib.
Lavrovun sözlərinə görə, Qərb ölkələri öz maraqlarını Ukraynadakı döyüşlərdə, ilk növbədə, Rusiya simasında dünya səhnəsində daha bir rəqibi sıradan çıxarmaq baxımından görür.
Xatırladaq ki, bir gün əvvəl ABŞ dövlət katibi Ukraynada atəşkəslə bağlı təkliflərin münaqişəni dondurmaq üçün sadəcə “qeyri-qanuni tələ” ola biləcəyini demişdi. ABŞ Dövlət Departamenti rəhbərinin fikrincə, “yaxşı niyyətli səylərə bənzəyən şeylərdən ehtiyatlı olmaq” lazımdır, amma reallıqda bu, yalnız “Rusiyaya öz nailiyyətlərini möhkəmləndirməyə, vaxt udmağa imkan verəcək”.
Şayəstə
Son şərhlər