Bu gün UEFA Avropa Liqasının I təsnifat mərhələsinin cavab görüşləri keçirilir.

Azərbaycanın üç klubu növbəti mərhələ uğrunda mübarizəyə qoşulub və onlardan ikisi artıq II təsnifat mərhələsinə vəsiqə qazanıb.

Gəncənin “Kəpəz” klubu ilk görüşdə rəqibi “Daçya”nın müqavimətini qıra bilməsə də, cavab qarşılaşmasında qələbə qazana bilib. Səfərdə rəqibinə 57-ci dəqiqədə F.S.Darionun vurduğu yeganə qolla qalib gələn gəncəlilər növbəti mərhələyə yüksəliblər.

Qəbələnin eyniadlı komandası da azarkeşlərini sevindirməyi bacarıb. “Qəbələ” klubu ilk görüşdə qazandığı 5:1 hesablı qələbə sayəsində demək olar ki, növbəti mərhələyə vəsiqəni təmin etmişdi. Səfərdə rəqibinə 1:2 hesabı ilə uduzmasına baxmayaraq, Roman Qriqorçukun yetirmələri növbəti mərhələyə adlayıblar.