BMT-nin baş katibi Antonio Quterreş Nigerin üsyankar hərbçilərini dövlətin demokratik əsaslarını sarsıtmağı dayandırmağa və prezident Məhəmməd Bazumu azad etməyə çağırıb.
Elchi.az CNN.com-a istinadən bildirir ki, bu barədə Quterreşin ofisinin mesajında qeyd olunub.
Bundan əvvəl Niger Respublikasının üsyançı hərbçiləri ölkə prezidenti Bazumini vəzifəsindən uzaqlaşdırdıqlarını və ölkə sərhədlərini bağladıqlarını açıqlamışdılar.
“Baş katib ölkədə iyulun 26-da elan edilən konstitusiyaya zidd hakimiyyət dəyişikliyini qətiyyətlə pisləyir. O, prezident Mohamed Bazumun həbsdə olmasından və onun təhlükəsizliyi, sağlamlığından narahatdır. O, bu qınaq obyektinin bütün iştirakçılarını prezidenti dərhal və qeyd-şərtsiz azad etməyə çağırır”, – deyə BMT-nin saytında dərc olunmuş mesajda bildirilir.
Bundan əlavə, Quterreş Nigerin demokratik prinsiplərini pozan bütün hərəkətləri dərhal dayandırmağa, həmçinin zorakılıqdan çəkinməyə və qanunun aliliyinə hörmət etməyə çağırıb.
Xatırladaq ki, iğtişaşçılar milli televiziyada yayımlanan bəyanatlarında devrilmiş hökumət nümayəndələrinin toxunulmazlığına zəmanət vermişdilər. Onlar həmçinin Nigerdə saat 19:00-dan 05:00-a qədər ümummilli komendant saatının tətbiq edildiyini, ölkədəki bütün qurumların işinin dayandırıldığını açıqlayıblar.
Yeganə
Son şərhlər