“Qarabağ”ın böyük turnirdə iştirak etməsi sevindirici haldır.
Elchi.az xəbər verir ki, bunu “Qarabağ”ın baş məşqçisi Qurban Qurbanov mətbuat konfransında deyib.
Təcrübəli mütəxəssis Bakıda Danimarka təmsilçisi “Kopenhagen”ə qarşı keçirəcəkləri UEFA Çempionlar Liqasının əsas mərhələsinin II turunun oyunu ilə bağlı fikirlərini bölüşüb:
“Bu matça məsuliyyətli yanaşırıq. Yaxşı komandaya qarşı oynayacağıq. “Kopenhagen” ciddi rəqibdir”.
Təcrübəli baş məşqçi “Qarabağ”a Avropa futbolunda diqqətin olmasına görə sevindiyini vurğulayıb:
“Qalibiyyət futbolumuzu daha da sevdirir. Oyunçulara inam verir. Bu sahəyə yatırım qoymaq insanlara həvəs verir. Futbol idmanın şahıdır. Ölkəmizin tanınmasında az da olsa, pay sahibi oluruq. Belə olan halda məsuliyyət daha da çoxalır. Azarkeşlərimiz matçlara ümidlə gəlirlər. Biz də bunu dərk edirik. Furbolçuda həyəcan olursa, bunun arxasında məsuliyyət dayanır. İdman elə şeydir ki, işin içinə girəndə qorxu və həyəcan yox olur. Bunu dərk edərək meydana çıxmaq lazımdır. 90 dəqiqə həyəcanın olması problemdir. Bizdə belə hal yoxdur’.
O, Respublika stadionunda oyunçuların özlərini daha yaxşı hiss etdiyiklərini söyləyib:
“Oyunlarımızı Bakı Olimpiya Stadionunda keçirə bilərdik. Amma arena hazır deyil. Hər halda, meydan amili rol oynayır. Hazırda oyunçular burada özlərini komfort hiss edirlər. Bakı Olimpiya Stadionunda olsaydı, yenə məsuliyyətli olacaqdıq”.
Qeyd edək ki, “Qarabağ” – “Kopenhagen” oyunu oktyabrın 1-də, saat 20:45-də Tofiq Bəhramov adına Respublika stadionunda start götürəcək.
Qurbanovun dediyi kimi, bu qələbələr futbolumuzu sevindirir. Qarabağ kimi komandaların Avropada olması doğrudan da fəxr verici. Məncə, bu qələbələr gənclərə də böyük həvəs verir. Qurbanovun sözləri çox düzgündü.
Qurban Qurbanovun bu sözləri çox mənalıdır. Futbolda uğur qazanmaq ölkəmizi tanıtmaq deməkdir, bu həqiqətən də fəxr ediləcək bir şeydir. Belə mühüm oyunlara məsuliyyətlə yanaşmaları çox gözəldir. Bu, azarkeşlərə də böyük həyəcan gətirəcəkdir.
Qurbanovun sözləri çox doğrudu, Qarabağımızın Avropa miqyasında çıxışı bizi də sevindirir. Həqiqətən də, “Kopenhagen” güclü rəqibdir, amma bizim uşaqlar bacarar inşallah. Bu cür oyunlar futbola olan marağı artırır, gənclərə də stimul verir. Ümid edirəm sabah yaxşı nəticə alarıq!