Rafael Qrossi və Bədr əl‑Busaidi ABŞ nümayəndə heyəti ilə görüşərək Tehranın nüvə proqramı və sanksiyalarla bağlı mövqeyini çatdırıblar.
Elchi.az xəbər verir ki, bu barədə İran Xarici İşlər Nazirliyinin rəsmi nümayəndəsi Esmail Baqai bildirib.
Onun sözlərinə görə, səhər saatlarında ABŞ tərəfi Oman XİN rəhbəri və Beynəlxalq Atom Enerjisi Agentliyinin baş direktoru ilə danışıqlar aparıb və İranın nüvə proqramı, sanksiyaların ləğvi və mümkün razılaşmanın çərçivələri ilə bağlı mövqeyi amerikalılara çatdırılıb. Diplomat qeyd edib ki, MAQATE rəhbəri ilə aparılan məsləhətləşmələr bu danışıqlar raundunu əvvəlkilərdən fərqləndirir.
Baqainin sözlərinə görə, İran və ABŞ nümayəndə heyətləri yerli vaxtla saat 10:00-dan danışıqlar məkanındadır və Oman tərəfi vasitəsilə mesaj mübadiləsi artıq başlayıb. O əlavə edib ki, İran nümayəndə heyəti Cenevrəyə tam hazırlıqlı gəlib və nəticəyönümlü danışıqlara hazır olduğunu nümayiş etdirir.
Məryəm
