Keçən il qlobal təbii qaz tədarükü əvvəlki illə müqayisədə 52 milyard kubmetr artaraq 4 trilyon 147 milyard kubmetrə çatıb. Bu göstərici tarixi maksimumdur.
Elchi.az xəbər verir ki, bu barədə Beynəlxalq Qaz İttifaqı (IGU) və İtaliyanın “Snam” şirkəti tərəfindən hazırlanan “Qlobal qaz hesabatı 2026”da deyilir.
Bildirilir ki, il ərzində Şimali Amerikada qaz tədarükü 54 milyard kubmetr artıb. Yaxın Şərqdə artım 11 milyard kubmetr, Asiyada 6 milyard kubmetr, Cənubi Amerikada isə 2 milyard kubmetr olub.
Bundan başqa, ötən il rekord göstəriciyə çatan qlobal təbii qaz tələbatının 2026-cı ildə 7 milyard kubmetr azalacağı proqnozlaşdırılır. Bu azalma cari ilin birinci yarısında baş verən Hörmüz boğazı böhranı ilə əlaqələndirilir. Bildirilir ki, bu proseslər xüsusən də inkişaf etməkdə olan Asiya və Afrika kimi qiymətlərə həssas bazarlarda təbii qaz tələbatının azalmasına səbəb olub.
