Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell, Qırmızı dənizdə naviqasiya təhlükəsizliyi üçün başlatılan “Aspides” missiyası çərçivəsində 68 gəminin yaxın mühafizə ilə təmin edildiyini, 11 hücuma müqavimət göstərildiyini açıqlayıb.
Elchi.az xəbər verir ki, Avropa İttifaqı (Aİ) Xarici Əlaqələr və Təhlükəsizlik Siyasəti üzrə Ali Nümayəndə Josep Borrell Qırmızı dənizdə naviqasiya təhlükəsizliyi üçün fevralın 19-da buraxılmış “Aspides” missiyasının əməliyyat komandiri kontr-admiral Vasileios Qryparis ilə Aİ Komissiyasında birgə mətbuat konfransı keçirib.
Husilərin Qırmızı dənizdəki hücumlarının Avropa bazarına vurduğu zərərin qarşısını almaq və gəmilərin təhlükəsizliyini təmin etmək üçün Aspidesin atıldığını vurğulayan Borrell, husilərə qarşı hər hansı əməliyyat keçirilmədiyini bildirib.
Husilərin hücumlarının beynəlxalq hüququ və naviqasiya azadlığını pozduğuna diqqət çəkən Borrell hücumların yaratdığı təhlükəsizlik problemlərinin bölgədə sabitliyi pozduğunu bildirib.
Borrell, “Hər il dünya ticarətinin 13 faizi bu sulardan (Qırmızı dəniz) keçdiyi halda, bu gün Süveyş kanalından gündə yalnız 70-dən çox gəmi istifadə edir. Bu səbəbdən müdaxilə etmək lazım idi” deyib.
Şayəstə Hüseynova
Son şərhlər