Qırğızıstan Prezidenti Sadir Çaparovun Çinə ilk rəsmi səfəri nəticəsində 1 milyard dollardan çox məbləğdə müqavilələr imzalanıb.
Elchi.az xəbər verir ki, Rəyasət Heyətinin Mətbuat Mərkəzindən verilən açıqlamada M.Çaparovun ilk rəsmi səfərini mayın 17-20-də Çinə etdiyi xatırladılıb və səfər nəticəsində 1 milyard dollardan çox müqavilə imzalandığı barədə məlumat paylaşılıb.
Açıqlamada Çaparovun Çinə səfəri çərçivəsində enerji, kənd təsərrüfatı və kinematoqrafiya sahələrində imzalanan müqavilələr və layihənin məbləği ilə bağlı məlumatlar da yer alıb.
Qırğızıstanın Energetika Nazirliyi ilə “China Power International Development Limited” şirkəti arasında imzalanan investisiya müqaviləsinə əsasən, Qırğızıstanın İssık-Kul vilayətində 800 milyon dollar və min meqavat gücündə günəş elektrik stansiyası tikiləcək.
Qırğızıstanın Kənd Təsərrüfatı Nazirliyi ilə “Bai Dou Jia” MMC arasında bağlanmış müqaviləyə əsasən, Qırğızıstanda 260 milyon dollar dəyərində gübrə istehsalı müəssisəsinin tikintisi layihəsi həyata keçiriləcək.
Qırğızıstanın Mədəniyyət, İnformasiya, İdman və Gənclər Siyasəti Nazirliyi və Shaanxi Tianhan Shengdian Film Company Ltd şirkəti arasında dəyəri 38 milyon dollar olan “İpək Yolunun Uzaq Rüzgarı” birgə serialının çəkiliş layihəsinə start veriləcək.
Beijing Zhongyi Boyue Culture Media Co şirkəti ilə də 25 milyon dollar dəyərində “Bişkek Aşkı” birgə teleserialının kino layihəsi həyata keçiriləcək.
Nuranə Məmmədova
