Elchi.az cebhe.info-ya isitnadən xəbər verir ki, Bolqarıstanda “qanuni oğru” Georgi Sakvarelidzenin saxlanması istiqamətində əməliyyat tədbirləri keçirilir. Onun adı 1994-cü ildə Moskvada gürcü “oğru” Revaz Qamçemlizdenin qətlində hallanıb. Krimminal aləmdə “Qedemoç Biçi” ləqəbi ilə tanınan “oğru”nun ölümündə adı hallanan digər şəxs Qoqa Bzikadze olub. O isə 1994-cü ildə öldürülüb.

Qiya ləqəbli “oğru”  Georgi Sakvarelidze Moskvada cəzasını çəkdikdən sonra azadlığa çıxıb və Bolqarıstana gedib. Orada özünə normal şərait yaradıb və təkcə kriminal aləmdən yox, eyni zamanda ictimai-siyasi çevrədən dəstək qazanıb.

Onun himayədarı kimi isə məşhur bolqar siyasətçisi, Avropa Parlamentinin keçmiş deputatı Slavi Binevin adı çəkilir.

“WikiLeaks”in məlumatına görə, Binevin leqal biznesi ilə yanaşı həm də kriminal dairələrdən kifayət qədər yaxşı pul qazanır.

Bura mütəşəkkil cinayətkarlıq, qadın biznesi, narkotik dövriyyəsi və oğurluq avtomobillərin satışı daxildir.