Dünya Qəzzadan müvəqqəti atəşkəs xəbərini gözlədiyi bir vaxtda İsrailin Qəzza zolağının cənubundakı Xan Yunisi gecə bombardmanı səhərə qədər davam edib.
Elchi.az bu barədə Anadolu Agentliyinə istinadən xəbər verir.
İsrail qüvvələrinin Qəzza zolağının şimalındakı Əbu İsgəndər bölgəsini vurmasından sonra çoxlu ölüm xəbərləri yayılıb.
Qəzzada gözlənilən 4 günlük atəşkəsin nə vaxt qüvvəyə minəcəyi hələlik bəlli deyil.
İsrail milli təhlükəsizlik müşaviri bildirib ki, cümə gününə qədər heç bir əsir azad edilməyəcək.
İsrailin Qəzza zolağında, o cümlədən Qəzzanın mərkəzindəki Deyr əl-Balah və Nuseyrat qaçqın düşərgəsində, cənubda isə Xan Yunis və Rəfahda hücumlar həyata keçirdiyi bildirilir.
İsrailin Livanın cənubuna hücumu nəticəsində beş Hizbullah üzvü öldürülüb.
ABŞ hərbi gəmilərindən birinin Qırmızı dənizdə patrul xidməti zamanı Yəmənin husilərin nəzarətindəki bölgələrindən atılan bir neçə “birtərəfli hücum təyyarəsini” vurduğunu bildirib.
İsrail qüvvələri işğal altındakı İordan çayının qərb sahilinin bir neçə bölgəsinə, o cümlədən 17 yaşlı fələstinli yeniyetmənin öldürüldüyü Nablus yaxınlığındakı Balata qaçqın düşərgəsinə reyd keçirib.
Nuranə Məmmədova