Qırmızı dənizdəki münaqişənin tədarük müddətini artırması ilə əlaqədar Qətər Avropaya mayeləşdirilmiş təbii qaz tədarükünü təxirə salır.
Elchi.az xəbər verir ki, bu barədə Bloomberg mənbələrə istinadən məlumat yayıb.
Onların sözlərinə görə, Doha avropalı müştərilərə çatdırılmaların gecikmələri və vaxtının dəyişdirilməsi barədə məlumat verib. Vəziyyət “müqavilə öhdəliklərini yerinə yetirmək üçün logistikada dəyişikliklərə, tədarüklərin uzaqdan yönləndirilməsinə və diqqətin Avropa ölkələrinə daha yaxın olan daha əlverişli mallara yönəlməsinə” gətirib çıxarır.
Bloomberg-in məlumatına görə, yanvarın 15-dən Qətər Avropaya gedən təxminən altı gəmini daha uzun bir marşruta (Afrikanın cənubundakı Ümid burnu vasitəsilə) istiqamətləndirib. ICIS konsaltinq şirkəti Britaniyaya çatdırılma nümunəsində marşrutların dəyişdirilməsinin təxminən doqquz günlük gecikməyə səbəb olduğunu vurğulayır.
Nuranə Məmmədova