Qəzza zolağının Səhiyyə Nazirliyinin məlumatına görə, vaxtından əvvəl doğulmuş 30 körpə Qəzzanın əsas xəstəxanasından təxliyə edilib və onlar Misirdəki xəstəxanalara köçürüləcəklər.
Elchi.az bu barədə Apnews.com-a istinadən xəbər verir.
Nazirliyin mətbuat xidmətinin rəhbəri Mehat Abbas agentliklə telefon danışığında təxliyyə faktını təsdiqləyib.
Şənbə günü əl-Şifa xəstəxanasını ziyarət edən Ümumdünya Səhiyyə Təşkilatının (ÜST) qrupu, İsrail qüvvələrinin keçən həftədən bəri fəaliyyət göstərdiyi xəstəxanada qapalı qalan onlarla ağır xəstə arasında 32 körpənin olduğunu söylədi.
Bazar günü səhər Ümumdünya Səhiyyə Təşkilatının komandası həmçinin İsrail qüvvələri tərəfindən xəstələrin təxliyəsindən sonra xəstəxanada 291 xəstənin qaldığını bildirib.
Onlara ağır xəstələr, ağır yoluxmuş yaraları olan travma xəstələri və hərəkət edə bilməyən onurğa beyni zədələri olan xəstələr daxildir.
Ümumdünya Səhiyyə Təşkilatının məlumatına görə, qrup 2500-ə yaxın məcburi köçkün, mobil xəstələr və tibb işçiləri geniş kompleksi tərk etdikdən sonra bir saat ərzində xəstəxanada araşdırma apara bilib.
25 tibb işçisinin xəstələrin yanında qaldığı bildirilir.
ÜST, həmçinin xəstələri xəstəxanaların dolu olduğu Qəzzanın cənubuna təxliyə etməyə ümid edir.
Yeganə
