Kremlin sözçüsü Dmitriy Peskov Rusiya prezidenti Vladimir Putinin Türkiyəyə səfəri üçün hazırlıq prosesinin davam etdiyini bildirib və “Rusiya ilə Türkiyə arasında yüksək səviyyəli təmaslar gündəmdədir” deyib.
Elchi.az xəbər verir ki, Peskov paytaxt Moskvada aktual mövzularla bağlı jurnalistlərə açıqlamalar verib.
Putinin Türkiyə səfəri üçün hazırlıq prosesinin davam etdiyini bildirən Peskov, “Rusiya ilə Türkiyə arasında yüksək səviyyəli təmaslar gündəmdədir və hazırlanır. İki lider səfərin tarixini razılaşdıran kimi sizə məlumat verəcəyik. ” dedi.
Rusiya ordusunun səhər saatlarında Ukraynanın paytaxtı Kiyev və Xarkov şəhərinə hücuma keçdiyinə diqqət çəkən Peskov, bunun Ukrayna ordusunun həftə sonu, Donetskdə 28 nəfərin ölümü ilə nəticələnən hücuma cavab verilmədiyini qeyd edib.
Peskov, “Xüsusi hərbi əməliyyatı davam etdiririk, lakin Kiyev administrasiyasının etdiyindən fərqli olaraq, ordumuz sosial obyektlərə, mülki məhəllələrə və mülki əhaliyə zərbə endirmir. Bu, ordumuzu Kiyev administrasiyasının ordusundan fərqləndirir” deyib.
Ukrayna ordusunun həftə sonu Rusiyanın ilhaq etdiyi Donetsk şəhərinə təşkil etdiyi hücumda 28 nəfər ölüb, ən azı 20 nəfər yaralanıb.
Rusiya Xarici İşlər Nazirliyi bütün məsul hökumətləri və beynəlxalq təşkilatları bu hücumu pisləməyə çağırıb.
Kreml də bu hücumu pisləyib və onu “dəhşətli terror aktı” adlandırıb.
Şayəstə Hüseynova
Son şərhlər